[灰底人適用post］
前晚有重要人物同我講：
「你個樣同性格太大反差，真係好大獲」
「我知，我一直都係咁過...」
「有好有唔好啦，不過要比一般人花多好多時間去解釋。」
果一刻覺得有人講出呢句說話，都係一種好誠懇嘅了解。
其實我嘅外貌一直令我由細到大成為陌生人取笑或攻擊嘅easy target，唔係因為靚唔靚，而係我嘅外觀天生充滿攻擊性😅 只要唔熟識我，聽人講兩句，望下我個碧池樣，成件事真係即刻似層層。
我每日都會收到好多訴苦DM；唔開心、因為不被了解而委屈嘅人真係好多。我長氣啲再分享下我嘅世界觀，希望舒緩到大家嘅不安。
1. ［人唔需要24小時樂觀］
呢個我講咗一百次都有。現實係絕對唔會24小時正面，keep 住話眼前狀況好好係一種盲目嘅自我催眠。我哋要學習嘅係點樣誠實面對現實，喺負面入面堅強咁生存、累積改變世界嘅能力。灰底都可以有無窮創造力、可以成為有用嘅人！
2. [可以失望但不要成為犬儒］
失望係一種正常人類反應，但係唔好俾呢種情緒發展成歇斯底里，甚至會專門對人冷嘲熱諷、毀滅人哋夢想嘅犬儒思想
3.［不要過份活於將來］
有人話動力來自對未來嘅期望，而我嘅動力來自對將來嘅不期望。唔係絕望，而係將期望放喺呢一刻。我哋明知太遠嘅事控制唔到，點解唔將人生時間觀念縮短去睇？搞掂呢一刻，用盡今日嘅時間做要做嘅事就夠
3. ［努力唔一定有回報］
真心，努力唔一定代表賺到錢或者贏到啲咩，但係對得住自己。努力係向自己負責，唔係向其他人交代
4. ［世界充滿誤解］
每個人都有被誤解嘅時候，但係記住人哋講嘅說話無論幾涼薄都好，佢哋嘅意見只代表佢哋嘅為人，唔代表你。如果有用嘅說話就平常心接收同改變，如果唔係就繼續做自己要做嘅事，做到自己滿意為止
@chordhero
@ Hong Kong
Search